Кәсіптік бағдар беру апталығы аясында бүгін біздің мектептің 10-11 сынып оқушылары Манаш Қозыбаев атындағы Солтүстік Қазақстан университетінің Ашық есіктер күніне қатысты. Бұл іс-шара жоғары сынып оқушыларына болашақта қандай мамандықтарға түсе алатындығын білуге, сондай-ақ оқытушылармен және болашақ факультеттермен танысуға тамаша мүмкіндік болды.
Экскурсия барысында оқушылар оқу орнының құрылымымен танысып, қызықты бағдарламаға қатысуға мүмкіндік алды. Бағдарлама оқушыларға студенттік өмір атмосферасын сезініп, болашақ мамандықтарына қадам басар алдында қандай қадамдар жасау керектігін түсінуге көмектесті.
Бұл тәжірибе біздің жоғары сынып оқушыларымыз үшін болашақ мамандықтарын таңдауда маңызды қадам болды. Сонымен қатар, қандай білім ордасын таңдайтындықтары туралы ойлануға мүмкіндік берді. Біз осындай іс-шаралар оқушыларға болашаққа деген сенімділік сыйлап, олардың таңдауын саналы түрде жасауға көмектеседі деп сенеміз.
